العاشرة مساء....وانتخابات الشورى!!!

العاشرة مساء....وانتخابات الشورى!!!

بدأت منى الشاذلي اليوم برنامجها بالدعاء "رب يسر لي أمري واشرح لي صدري واحلل عقدة من لساني يفقهوا قولي"

طبعا كان شيئا غريبا...لا أدري لماذا ؟؟ ولكنني سخرت في نفسي وقلت أن مني الشاذلي سترتدي الحجاب غدا..

ثم تلت الدعاء بمقدمة جامدة جدا والتي قالت فيها: نسأل اليوم سؤالا يتردد في كل بيت مصري وعلى كل المستويات ، سواء كانوا معارضة أو حكومة أو أناسا عاديين و و و(مقدمة جامدة)....

ثم كانت الصاعقة...السؤال هو : هنطبخ إيه النهارده؟؟؟

طبعا هو كلام معقول...وسؤال شائع...ولكن الغريب إن النهاردة هو يوم انتخابات الشورى...

طيب معلش ..لحظة...
نجمع تاني...

أولا: اليوم هو يوم انتخابات الشورى
ثانيا: فيه مخالفات حصلت النهاردة في بعض الدوائر وفيه واحد مات من الشرقية.

ثالثا: منى الشاذلي تبدأ بدعاء تسأل فيه الله أن نفقه قولها(يفقهوا قولي)!!!

رابعا: مقدمة عن السؤال الأكثر شيوعا بين الناس...والسؤال هو هنطبخ إيه النهاردة!!!

خامسا: النهارده الحلقة مقتسمة بين منى وبين د/خالد منتصر...يعني الوقت المسموح لـ"منى" أقل من كل يوم....يبقى لازم يبقى الكلام مركز....

سادسا: سمعت منذ فترة أنه حدث ضغط أمني على منى الشاذلي كي لا يظهر "رجب أبوزيد" عضو إخواني عن شبين الكوم....وبدلا منه ظهر "صبري عامر"أيضا عضوإخواني ولكن الأول محامي والثاني مهندس..

سابعا:قالت "من" بالأمس أنه سوف تتحدث عن انتخابات الشورى اليوم.

حد دماغوا لفت معايا ولا حاجة؟؟؟....

لو كان حصل يبقى يعيد النظر في البنود السابقة على رواقة..

نستنتج مما سبق ...أو أستنتج-أنا- مما سبق إحتمالا من اثنين:

إما إن منى الشاذلي لم تعد شيئا اليوم عن الانتخابات أو أي أخبار أخرى بسبب عطل فني أو مرض أصاب المراسلين الذين يقومون بتحضير التقارير...!!!

أو أنه حدثت ضغوط أمنية على البرنامج أو تم تهديد -من أي نوع- حتى لا يتم الحديث عن انتخابات الشورى اليوم.

وده كله كلااااام ....إحتمال يكون غلط...
ويا خبر النهاردة بفلووووووووووووووس...!!!